إزاى تستخدم السوشيال ميديا كصاحب بيزنس

طبعاً كلنا عارفين إن السوشيال ميديا بقى جزء أساسى من إستراتيجية التسويق الخاصه بأى بيزنس فى السنين الأخيره حتى البراندز الكبيره الأغلب إعتماده بيكون على الأو دور والبيل بوردز والمساحات الأعلانية المذاعه زى التليفيزيون والراديو مابقتش تستغنى عن السوشيال ميديا, يعنى إحنا زمان كنا بنقول إن السوشيال ميديا أداة سهلت كثير على أى بيزنس صغير فى إنه مثلاً ينشر إعلانه لكن كمان البراندز الكبيره بقت بتستخدمها بشكل أساسى إحنا بقى هنفهمك أكثر ليه ده بيحصل

 

للأسف أغلب البيزنس الصغير بيكون كل تفكيره حوالين السوشيال ميديا إنه هيبيع منتجه من عليها أو إنها تكون أداة عرض ورغم إن دى مش حاجه غلط لكن كمان ما ينفعش تكون دى بس نظرتنا للسوشيال ميديا كأصحاب بيزنس.
السوشيال ميديا فى الأساس هى أداة تواصل وبالتالى أى براند فاهم ادوات صح إستراتيجيته فى السوشيال ميديا بيكون هدفها الأول هو التواصل مع عملائه وطبعاً ده بيتم بنائاً على المعلومات الموجوده عند البيزنس حول العملاء وإيه هى طبيعتهم وتصنيفاتهم

طيب ليه بيكون الهدف التواصل وليه مش البيع؟
الحقيقه إن أى بيزنس فى الدنيا هدفه البيع وتحقيق الربح الفكره بس هنوصل لده إزاى و علشان أى بيزنس كبير بيكون فاهم تسويق كويس بيبدأ يستغل السوشيال ميديا عشان يتواصل

.مع عملائه وده بيخلى العملاء دايماً فاكرين البراند وبيخليهم مخلصين ليه وده بيسهل أى قرار خاص بالشراء فى أى مرحله بعد كده

كصاحب بيزنس لو حابب بقى تعمل ده إيه هى الخطوات؟

.أولاً لازم تعرف الأول العميل بتاعك مين, بيعمل إيه, موجود فين, وبيحب إيه, هل بتواجهه مشكله معينه وهل إنت تقدر تحل له المشكله دى
أول ما تبدأ تفهم وتذاكر المعلومات دى عن العميل بتاعك هتبدأ تعرف إيه هى أحسن طريقه تتواصل معاه بيها.خلينا ناخد مثال وهو إن العميل بتاعك موجود على فيسبوك إسمه أحمد عنده 25 سنه دخله متوسط وبيحب الكوره

دلوقتى بعد ما عرفت المعلومات دى فى رأيك إيه هى أفضل طريقة كبيزنس تتواصل بيها مع أحمد؟
دايماً حاول تخلى طريقة التواصل مع العميل كلها إهتمام, حاول تركز على الحاجات البيحبها وتحلله مشكلته فى حاله أحمد مثلاً هتكون حاجه كويسه لو قدرت تقدر حبه للكوره وتوصله إنك كمان بتحبها, خلى فى مواضيع على صفحتك متعلقه بيها كمان تقدر تخلى فى علاقه ما بينها و مابين منتجك أو خدمتك ده هيخلى أحمد يحس إن البراند أو البيزنس بتاعك قريب ليه ومع الوقت كمان هيكون هو المنج المفضل ليه وسط المنتجات المختلفه

ثانياً لازم تفهم إن التواصل ده شئ متبادل ما بين طرفين علشان كده لازم تتيح المجال للعملاء بتوعك يتواصلوا معاك, وهتكون كمان حاجه جميله إنك تديهم مساحه على قناتك يتناقشوا من خلالها أو يتكلموا فى حاجه هما بيهتموا بيه وشاركهم الحوار ده, كده التواصل معاهم هيكون أسهل و إنت كمان كبيزنس هتفهمهم أكثر وهتجذبهم ليك أكثر.

أخر حاجه بقى هى إنك تكون صادق مع العملاء بتوعك وتكون كبيزنس أو براند متقبل النقد أو الأراء الممكن ماتعجبكش, وتسمح للأراء دى إنها تكون موجوده على قناتك وتحاول تصلحها وتحل المشكله الموجوده عند عميلك.
الحقيقه إنه على عكس ما بيتوقع الكثير النقد ده مش بيدى إنطباع سئ لدى العملاء الأخرين, بالعكس ده ممكن يكون فرصه ذهبيه إنك تثبت قوة البراند بتاعك وتكسب عملاء أكثر, لأن العملاء بتوعك هيحبوا جداً يشوفوا إهتمامك برأيهم حتى لو كان سلبى وإزاى هتحاول تصلح ده.
مافيش بيزنس فى الدنيا مابيحصلش فيه مشكله, الشاطر البيقلل المشاكل على قد ما يقدر بس أول ما تقابله مشكله يواجهها صح ويحلها ويحولها من إنطباع سئ لأنطباع جيد وده البيفرق براند عن التانى.

Leave a Comment

Your email address will not be published. Required fields are marked *